((**Es10.844**)
XI
DE ACCEPTIONE
1. Vix quispiam societatem ingredi petierit,
Director illius domus, in qua facta est petitio,
necessariam postulantis notitiam assequetur, quam
Rectori tradet, ut in probationem excipiatur.
Rector autem maior eum ad acceptionem admittet, si
a capitulo superiori suffragiorum pluralitatem
postulans consecutus fuerit.
2. Post tempus probationis res erit apud
capitulum eiusdem domus. Si saltem maiorem
suffragiorum partem obtinuerit de illo referetur
Rectori Maiori, qui, habita Superioris Capituli
sententia, eum ad vota admittet vel per se vel per
delegationem. Haec autem delegatio iterum
remittenda erit Rectori Maiori cum opportunis
indicationibus, ut novus socius in catalogo
societatis inscribatur.
3. In absentia Capituli Superioris ipse Rector
Maior, rationabili causa interveniente, potest in
societatem recipere et ad vota admittere vel etiam
dimittere ex societate in unaquaque domo; at hoc
fieri poterit suffragante et praesente domus
illius Capitulo. Hoc autem in casu Director illius
domus, in qua acceptio vel dimissio facta est, rem
nunciabit Capitulo Superiori cum opportunis
indicationibus, ut socius vel inscribatur in
societatis catalogo, vel ab eo expungatur.
4. Ut quisquam ad vota emittenda admittatur,
necesse erit ut primae et secundae probationis
tirocinium exercuerit. At nemo ad votorum
emissionem admittendus est, nisi sexdecim aetatis
annos fuerit praetergressus.
5. Haec autem vota per triennium emittuntur.
Tribus autem annis transactis, praevio Capituli
consensu, cuilibet facultas dabitur ea ad aliud
triennium repetendi, vel perpetua faciendi, se
videlicet per omnem vitam votis obligandi. Nemo
tamen ad sacros ordines titulo Congregationis erit
admittendus, nisi vota perpetua iam emiserit.
6. Ut socius Congregationi possit adscribi
praeter virtutes, quae regulis praescribuntur,
debet etiam anteactam vitae rationem testimonio
comprobare, ex quo constet:
I. Status illius liber atque bonis moribus
praestans vita per declarationem ab eiusdem
Ordinario exaratam;
II. Illius nativitas et baptismus;
III. Aere alieno non esse gravatum;
IV. Numquam in illum crimine inquisitum fuisse;
V. Nullo neque physico, neque morali
impedimento detineri, quo irregularis fiat ad
Sacerdotium ineundum 1.
((**It10.910**)) 7.
Quod ad valetudinem attinet, talis sit ut omnes
Societatis regulas absque exceptione possit
observare 1.
1 VI. Parentum consensus, saltem antequam votis
se abstringat.
1 8. Si quis studiorum causa societatem
ingrediatur secum ferre debebit: 1. Vestimentum
supellectilem congruentem; 2. Quingentas libellas
quibus dispendia suppleantur, quae pro victu et
vestitu necessaria erunt anno tirocinii; 3.
Tercentas libellas, tirocinio peracto, antequam
vota edantur.
9. Socii adiutores supellectilem tantum et
tercentas libellas ingressuri conferant, quin alia
obligatione devinciantur.
(**Es10.844**))
<Anterior: 10. 843><Siguiente: 10. 845>
