((**Es10.845**)
8. Ubi iusta ratio adsit, Rector aliquem
poterit a conditionibus antedictis eximere, et
quaedam plus minusve late excipere.
9. Societas Divina Providentia innixa, quae
nunquam deest sperantibus in ea, omnia cuique
necessaria providebit, sive florente valetudine
sive premente morbo. Tamen erga illos tantum
Societas devincitur, qui iam votis se obligarunt.
10. Omnibus autem duo potissimum cordi habenda
sunt: 1. Attente caveat unusquisque, ne se
habitudinibus cuiuscumque generis, rerum etiam
indifferentium devinciri patiatur; 2. Cuiusque
vestis, lectus et cellula munda sint et decentia;
at omnes summopere studeant affectationem et
ambitionem devitare. Nihil magis sodalem
religiosum exornat, quam vitae sanctimonia, qua
caeteris in omnibus praeluceat.
11. Quisque paratus sit, ubi opus erit, aestum,
frigora, sitim, famem, labores et comtemptum
tolerare, quoties haec conferant hac maiorem Dei
gloriam, spiritualem aliorum utilitatem, suaeque
animae salutem.
XII
DE STUDIO
1. Sacerdotes, omnesque socii, qui clericalem
militiam petunt, studiis Ecclesiasticis strenuam
operam dabunt.
2. Praecipuum eorum studium totis viribus
dirigetur ad Biblia Sacra; ad Historiam
Ecclesiasticam, ad Theologiam dogmaticam,
speculativam, moralem, necnon ad libros, vel
tractationes, quae de iuventute in religione
instituenda ex professo pertractant.
3. Noster Magister erit divus Thomas, et alii
auctores qui in Catechesi et in doctrina Catholica
interpretanda celebriores communiter censentur.
4. Praeter quotidianas collationes quisque
socius contexere sataget seriem meditationum,
atque instructionum primitus pro adolescentulis,
deinde pro omnibus Christi fidelibus accommodatam.
XIII
PIETATIS EXERCITIA
1. Vita activa, ad quam potissimum haec
Congregatio spectat, efficit, ut socii nequeant
compluribus pietatis exercitiis simul collecti
operam dare. Quae quidem omnia socii suppleant
bonis exemplis sibi invicem praelucendo, et
perfecte generalia christiani officia adimplendo.
2. Singulis hebdomadis socii ad poenitentiae
Sacramentum accedant ((**It10.911**)) apud
Confessarios a Rectore constitutos. Sacerdotes
quotidie Sacrum facient: quoties autem per negotia
non liceat, curent, ut sacrificio saltem
intersint. Clerici et sodales adiutores faciant,
ut saltem singulis diebus festis, et quaque feria
V ad sanctum Eucharistiae Sacramentum accedant.
Compositus corporis habitus, clara, religiosa et
distincta pronuntiatio verborum quae in divinis
officiis continentur; modestia, domi forisque in
verbis, adspectu et incessu, ita in sociis nostris
praefulgere debent, ut his potissimum a caeteris
distinguantur.
(**Es10.845**))
<Anterior: 10. 844><Siguiente: 10. 846>
