((**Es10.843**) 3. Si
autem domus aperienda sit iuniorum seminarium, vel
seminarium orum, qui grandiori iam sint aetate,
tunc non solum quod ad sacrum ministerium spectat,
sed omnis etiam Superiori Ecclesiastico submissio
praebebitur. In eligenda materia, quae tradi
debeat, in libris adhibendis, in disciplina atque
etiam in temporali administratione iis tenebitur,
quae Rector Maior cum Ordinario loci constituet.
((**It10.908**)) 4.
Socii ad novam domum adlecti minus tribus non
sint, ex quibus duo saltem Sacerdotes esse debent.
Superior cuiusque domus a Capitulo Superiore
eligitur et Directoris nomen assumet. Quaeque
domus bona administrabit, quae vel dono data, vel
in societatem illata sunt, ut peculiari illi domui
inserviant; at semper ratione a Superiore Generali
descripta.
5. Peculiares domos saltem semel in anno
inviset Rector per se vel per visitatorem, ut
diligenter inquirat, an officia expleantur, quae
regulae societatis praescribunt; simulque
animadvertat, an spiritualium et temporalium
administratio ad propositum finem reapse spectet,
ut scilicet Dei gloria et animarum salus
promoveantur.
6. Ad Directorem autem quod attinet, ita se in
cunctis gerat, ut omni temporis momento eorum
possit rationem reddere Deo et Superiori Rectori.
7. Praecipua est eiusdem Rectoris cura in
recente quaque domo capitulum constituere, quod
numero sociorum in ea habitantium congruat.
8. Ad hoc autem capitulum constituendum
convenient Capitulum Superius et novae domus
Director.
9. Inter eligendos primus est Catechista,
deinde Praefectus, et si opus fuerit etiam
Oeconomus, tertio demum singuli Consiliarii, iuxta
Sociorum numerum et ea quae in illa domo agenda
sunt.
10. Quod si distantia, tempora et loca suadent
quaedam esse excipienda in capitulo constituendo,
vel in muneribus assignandis, omni ad id
auctoritate Rector maior pollet, consentiente
tamen Capitulo Superiore.
11. Director neque emere, neque vendere
immobilia, neque nova aedificia erigere vel
aedificata demoliri poterit, neque innovationes
magni momenti perficere, nisi adsit Rectoris
Maioris consensus. In administratione omnis
processus spiritualis, scholasticus, materialis ad
eum pertinet; at in iis, quae maioris momenti
sint, consultius erit capitulum suum convocare,
nec quidpiam deliberare nisi illius consensus
habeatur.
12. Catechista spiritualia quaeque illius domus
procurabit, sive relate ad socios, sive relate ad
caeteros qui ad congregationem non pertinet, ac
quoties opus erit, Directorem admonebit.
13. Praefectus Directoris vices gerit et
praecipuum ipsius munus erit res temporales
administrare, coadiutorum curam genere, supra
alumnorum disciplinam attento oculo vigilare iuxta
regulas uniuscuiusque domus et consensum
Directoris. Ipse paratus esse debet ad rationem de
sua gestione reddendam Directori suo, quoties ab
eo expostulabitur.
14. Oeconomus, ubi necesse sit, Praefectum
adiuvabit in suis officiis, praesertim
inexecutione temporalium negotiorum.
15. Consiliarii autem intersunt
deliberationibus alicuius momenti ((**It10.909**)) et
Directorem adiuvant in re scholastica et in iis
omnibus, quae eis demandata erunt.
16. Unusquisque Director quotannis Rectori
Maiori spiritualis et temporalis administrationis
suae domus rationem reddere debet.
(**Es10.843**))
<Anterior: 10. 842><Siguiente: 10. 844>
