((**Es10.841**)
9. Qui pluralitatem votorum assecutus fuerit,
erit novus Superior Generalis, cui omnes
societatis sodales obedire tenentur.
Peracta electione, Praefectus, ut novus Rector
Maior citius omnibus congregationis sociis
innotescat, operam dabit. Quo facto, omnis
superioris generalis auctoritas in Praefecto finem
habet 1.
IX
DE CAETERIS SUPERIORIBUS
1. Praefectus et spiritualis Director creantur
a Rectore. Oeconomus vero et tres consiliarii
suffragiis eligentur a sociis, qui cum iam vota
perpetua emiserint ad Rectoris Maioris electionem
partem habere poterunt.
2. Pro societatis utilitate electio ita fiet:
primo anno oeconomus, deinde unoquoque anno unus
ex consiliariis eligatur.
3. Electio erit facienda prope solemnitatem s.
Francisci Salesii ((**It10.906**))
occasione qua domorum directores convocari solent.
Tribus mensibus ante dictam solemnitatem Rector
maior faciet omnibus domibus quisnam de Capitulo
Superiori tempus proprii muneris compleverit, diem
assignans, qua omnes domus debent electionem
peragere.
4. Itaque omnes Directores suae domus in
perpetuum professos colligent, et cum socio ab
ipsis electo adfuturam electionem venient.
5. Die praefixa Capitulum Superius cum
directoribus et omnibus sociis secum deductis
suffragium et scrutinium publice facient. Ad hoc
eliguntur tres scrutatores cum duobus secretariis.
Qui suffragiorum pluralitatem obtinuerit, novum
erit membrum Superioris Capituli. Quod si duo vel
plures eumdem suffragiorum numerum consecuti
fuerint, inter hos a praesentibus sociis nova
electio fiat.
Si vero alicuius domus Director aut socius eius
ob nimiam distantiam, vel alia rationabili causa
ad huiusmodi electionem pervenire non potuerit,
electio valida et perfecta erit habenda.
6. Officia cuiusque membri Superioris Capituli
Rector, prout feret necessitas, distribuet.
7. Directori tamen spirituali novitiorum cura
est specialiter demandata. Ipse enim una cum
novitiorum magistro strenuam operam dabit, ut ipsi
illum charitatis et sollicitudinis spiritum
condiscant, actuque perficiant, quo inflammari
debet, qui omnem vitam suam ad animarum lucrum
optat impendere.
8. Directoris quoque spiritualis est Rectorem
reverenter admonere, quoties gravem negligentiam
perspiciat in regulis Congregationis exsequendis,
vel earum observantiam in aliis promovendam
neglexerit.
9. Praecipuum vero Directoris spiritualis
officium in eo praesertim versatur, ut in morali
omnium sociorum vitae ratione sedulo attenteque
invigilet. Quapropter ipse vel per epistolas vel
de praesentia cum omnibus domorum Directoribus
frequentem relationem habebit, ut, quidquid
generatim vel singillatim ad spiritualem
1 10. Si forte Rector maior decéderet, quin
prius Vicarium temporarium nominasset, tunc
Capitulum Superius ipsum eligat. Vicarius sic
electus usque ad peractam electionem Societatem
reget, eaque faciet quae ad Vicarii temporarii
munus spectant.
(**Es10.841**))
<Anterior: 10. 840><Siguiente: 10. 842>
