((**Es10.840**)
VIII
DE RECTORIS MAIORIS ELECTIONE
1. Ut quis Rector Maior seu generalis Superior
eligi possit, oportet ut saltem decem annos in
societate transegerit, trigesimum quintum suae
aetatis expleverit, sociis vitae sanctimonia
praefulserit, et in perpetuum professus sit.
2. Duplici ex causa Rectoris Maioris electio
fieri continget, videlicet vel ob finitum duodecim
annorum munus, aut ob Rectoris mortem.
3. Si Rector maior eligendus est, eo quod
duodecim annos in munere transegerit, electio sic
est facienda. Ipsemet Rector Maior, tres menses
antequam sui officii tempus labatur, Capitulum
Superius convocabit, eique sui muneris finem
imminere palam faciet. Huius rei notitiam
transmittet Directoribus cuiusque Domus, eisque
sociis omnibus, qui secundum constitutiones
suffragium dare poterunt. Dum autem finis sui
muneris diem significabit, aliam statuet diem ad
sui successoris electionem perficiendam. Eodem
tempore pietatis opera assignabit ad superna
lumina obtinenda, clare et distincte omnes
commonens de stricta singulorum obligatione suum
dandis suffragium illi, quem ad Dei gloriam
utilitatemque animarum in societate promovendam
magis idoneum in Domino iudicaverint. Tempus vero
electionis peragendae, si fieri potest, quindecim
dierum spatium a fine muneris sui excedere non
debebit.
4. A die, quo suum munus explevit, usque ad
peractam eiusdem successoris electionem, Rector
Maior veluti Praefectus perget in societatis
regimine et administratione eadem auctoritate qua
pollet ((**It10.905**))
Praefectus in morte Rectoris, donec eius successor
in munere suo reapse sit constitutus.
5. In electione Rectoris Maioris suffragium
dabunt Capitulum Superius, Directores cuiusque
Domus una cum socio a professis eiusdem domus
electo.
Si quis ex quacumque causa proprium suffragium
praestare non poterit, ab aliis licite et valide
electiofiet.
6. Maioris Rectoris electio sic fiet: Omnes
electores, flexis genibus ante imaginem Domini
nostri lesu Christi crucifixi, divinum auxilium
invocabunt persolventes hymnum Veni, Creator
Spiritus, etc. Quo finito, Praefectus fratribus
una simul collectis causam patefaciet propter quam
eos advocavit. Postea omnes socii professi atque
praesentes scribent nomen illius, in cuius favorem
suffragium edere intendunt, et schedulam sic
exaratam ponent in vasculo ad hoc parato. Hisce
peractis, secreto modo ab omnibus praesentibus
eliguntur tres scrutatores cum duobus secretariis.
Qui votorum pluralitatem consecutus fuerit, erit
Novus Rector, seu Superior Generalis. Si forte duo
vel tres eumdem suffragiorum numerum obtinuerint,
iterum fiet electio inter eos, qui paritatem
habuerunt.
7. Si autem ob Superioris Generalis mortem
electio esset facienda, haec regula et ordo
teneantur: Mortuo Rectore Maiore, Praefectus
illius mortis notitiam ad omnes Domorum Directores
per scriptum transmittet, ut spiritualia suffragia
secundum constitutiones quam citissime pro
defuncti anima fiant. Electio huiusmodi non ante
tres, nec serius sex mensibus a Rectoris morte
erit facienda. Ad hunc finem Praefectus Capitulum
Superius congregabit, eiusdemque consensu
opportuniorem statuet diem ad convocandos eos, qui
electioni interesse debent, admonens de iis
omnibus quae art. 3.° dicta sunt.
8. Suffragium autem ii dabunt, qui hoc iure
polleant in electione Rectoris facienda sicut in
articulo 5.° huius capitis dictum est.
(**Es10.840**))
<Anterior: 10. 839><Siguiente: 10. 841>
