((**Es10.836**)
in aliena bona succedere. Sed quamdiu in societate
permanserit, nequit facultates suas administrare,
nisi ea ratione et mensura qua Rector Maior in
Domino bene iudicaverit.
((**It10.900**)) 3.
Omnis fructus rerum sive mobilium, sive
immobilium, quas societatem ingrediendo quis secum
attulit, quo tempore vitam in ipsa egerit, ad
eamdem pertinebit. Poterit tamen vel partim, vel
etiam omnino parentibus erogare quae extra
congregationem possideat at semper obtento
Rectoris consensu.
4. Clerici et Sacerdotes, etiam postquam vota
emiserint, patrimonia vel simplicia beneficia
retinebunt, sed neque administrare, neque iis
perfrui poterunt nisi ad Rectoris voluntatem.
5. Administratio patrimoniorum, beneficiorum et
omnium, quae in societatem inferantur, ad
Superiorem Generalem pertinet, qui vel ipse vel
per alios ea administrabit; et donec quisquam in
congregatione fuerit, annuos eorum fructus idem
Superior percipiet.
6. Eidem Superiori omnes sacerdotes missarum
etiam eleemosynam tradent. Omnes vero, tum
sacerdotes, tum clerici, vel laici, omnem
pecuniam, quodcumque domum quibusque titulis ad
eos perveniant, eidem committent 1.
7. Unusquisque votis tenetur, donec in
societate permanserit. Si quis vel iusta de causa,
vel prudenti superiorum iudicio, a societate
discedat, a votis poterit a Superiore Generali
exsolvi.
8. Unusquisque maneat in vocatione, ad quam
vocatus est, usque ad vitae exitum. In mentem
quotidie sibi revocet gravissima illa Domini
Servatoris verba: Nemo mittens manum ad aratrum,
et respiciens retro, aptus est regno Dei.
9. Verumtamen, si quis a societate egrediatur,
nihil sibi ob tempus, quod in ea transegit,
poterit adrogare, neque aliud secum ferre, quam
quod Generalis Superior opportunius iudicavit,
Recuperabit autem plenum ius de rebus immobilibus
atque etiam de mobilibus, quarum proprietatem ab
ingressu in societatem servaverit. At nullum
fructum, neque eorum administrationis rationem
exposcere poterit pro tempore quo in societate
permanserit, nisi cum Rectore maiore aliquod
peculiare pactum intercesserit.
10. Qui affert pecuniam, mobilia, vel alia
cuiuscumque generis in societatem animo
propietatem servandi, debet indicem eorumdem
Superiori tradere, qui, rebus omnibus recognitis,
ei chartam receptionis dabit. Cum autem velit
socius res recuperare, quae usu consumuntur, eas
recipiet eo statu, in quo tunc temporis erunt,
quin possit compensationem repetere.
III
DE VOTO OBEDIENTIAE
1. Propheta David Deum enixe orabat, ut illum
doceret eius voluntati obsequi. Servator Dominus
certos nos fecit se huc in terras descendisse, non
ut faceret voluntatem suam, sed voluntatem Patris
sui, qui in coelis est. Huc spectat obedientiae
votum, scilicet, ut certiores efficiamur nos
sanctae Dei voluntati obtemperaturos.
((**It10.901**)) 2.
Obedientiae votum socios ita devincit, ut iis
tantum operam navent,
1 Legata vero atque haereditates ad eosdem
pertinebunt secundum legum civilium praecripte,
sed modo in articulis 4 et 5 adsignato.
(**Es10.836**))
<Anterior: 10. 835><Siguiente: 10. 837>
