((**Es10.835**)
educationem incumbant. Haec autem societas constat
ex ecclesiasticis, clericis atque laicis.
2. Iesus Christus coepit facere et docere, ita
etiam socii incipient externarum virtutum
exercitio, et scientiarum studio se ipsos
perficere; deinde aliorum beneficio strenuam
operam dabunt.
((**It10.899**)) 3.
Primum charitatis exercitium in hoc versabitur, ut
pauperiores ac derelicti adolescentuli
excipiantur, et sanctam catholicam religionem
doceantur, praesertim vero diebus festis,
quemadmodum Augustae Taurinorum fit in quatuor
Asceteriis s. Francisci Salesii, s. Aloysii
Conzagae, s. Angeli Custodis, nunc Sanctae Iuliae
et s. Iosephi (anno MDCCCLXXIV).
4. Saepe autem contingit, ut adolescentuli
inveniantur adeo derelicti, ut, nisi in aliquod
hospitium recipiantur quaecumque cura frustra iis
omnino impedantur.Quod ut fiat, maiori qua licebit
sollicitudine, domus aperientur, in quibus Divina
opitulante Providentia, receptaculum, victus et
vestimentum iis subministrabuntur. Eodem vero
tempore, quo fidei veritatibus instituentur,
operam quoque alicui arti navabunt, quemadmodum
nunc fit in aedibus quae Asceterio s. Francisci
Salesii adiunguntur in hac urbe, et in Hospitio
Sancti Vicentii de Pauli prope urbem Genuensem.
5. Quum vero gravissimis periculis subiiciantur
adolescentes, qui ecclesiastico ministerio
initiari cupiunt, maximae curae huic societati
erit eos in pietate et vocatione colere, qui se
studio et pietate specialiter commendabiles
ostendant. In adolescentibus autem studiorum causa
excipiendis ii praeferentur, qui pauperiores sint,
qui ideo curriculum studiorum alibi nequeunt
explere, dummodo aliquam spem vocationis ad
ecclesiasticam militiam praebeant.
6. Quum autem necessitas catholicae religionis
tutandae gravior etiam urgeat inter christianos
populos, praesertim in pagis, propterea socii
strenue adlaborabunt, ut homines, qui potioris
vitae amore per statos aliquot dies secedunt, ad
pietatem confirment erigantque; ut bonos libros in
vulgus spargant, omnibusque rationibus utantur,
quae a sedula charitate proficiscuntur; verbis
denique et scriptis impietati adversentur, et
haeresi, quae omnia tentat, ut in rudes ac idiotas
pervadat. Huc spectant sacrae conciones, quae
identidem habentur; huc triduanae et novendiales
supplicationes; hunc demum libri evulgati per
officinam librariam ab anno MDCCCLXIII institutam
1 aliique quam plurimi.
II
HUIUS SOCIETATIS FORMA
1. Socii omnes vitam communem agunt, uno
fraternae charitatis votorumque simplicium vinculo
constricti, quod eos ita constringit, ut unum cor,
unamque aninam efficiant ad Deum amandum, eique
serviendum virtute obedientiae, paupertatis, morum
sanctimonia, et accurata christiana vivendi
ratione.
2. Quicumque societatem ingressus fuerit
civilia iura, etiam editis votis, non amittit 2.
Ideo valide et licite potest emere, vendere,
testamentum conficere, atque
1 In Asceterio Taurinensi, qui inscribuntur
<> et <>.
2 Ideoque rerum suarum proprietatem servat
idemque ex legum civilium praescripto publica
tributa solvet.
(**Es10.835**))
<Anterior: 10. 834><Siguiente: 10. 836>
