((**Es10.838**)
excipiuntur, qui humanis cupiditatibus iam fuerunt
subacti. Quapropter maxima cura est adhibenda,
quoties sermo cum adolescentulis instituitur
cuiuslibet aetatis, aut conditionis, vel quidpiam
cum illis agitur.
4. Conversationes defugiantur, si hae sint cum
personis alterius sexus, vel etiam cum ipsis
secularibus, ubi haec virtus periclitari videatur.
5. Nemo se conferat domum apud notos, vel
amicos absque consensu Superioris, qui, quoties
fieri possit, comitem ei adiunget.
6. Ut castitatis virtus diligentissime
custodiatur, haec potissimum sunt agenda. Scilicet
ut quisque sancte ad Poenitentiae et Eucharistiae
Sacramenta saepe accedat; consilia confessarii
sedulo exequatur; otium defugiat; omnes corporis
sensus coerceat, et moderetur; frequenter lesum in
Sacramento invisendum adeat; crebras iaculatorias
preces fundat ad Mariam SS., Sanctum Franciscum
Salesium, Sanctum Aloysium Gonzagam, qui sunt
huius Societatis praecipui patroni.
VI
RELIGIOSUM SOCIETATIS REGIMEN
1. Socii arbitrum et Supremum Superiorem
habebunt Pontificem Maximum, cui omnibus in locis,
temporibus et dispositionibus suis humiliter et
reverenter subiicientur. Quin imo praecipua erit
cuiusque socii sollicitudo totis viribus
promovendi ac defendendi auctoritatem et
observantiam Ecclesiae Catholicae legum, eiusque
Supremi Antistitis, et hic in terris legislatoris
et lesu Christi Vicarii.
2. Quoquo triennio elapso Capitulum Generale
habebitur ad pertractandas res maioris momenti et
ad societatem spectantes. Huiusmodi acta ad sacram
Episcoporum et Regularium Congregationem erunt
mittenda et approbanda.
3. Quod ad Sacramentorum administrationem ac
praedicationem et ad ea omnia, quae ad publicum
sacri ministerii munus attinent, stricte
subiicientur Episcopo illius Dioecesis, in qua
domus est ad quam pertinent iuxta sacrorum canonum
praescripta.
((**It10.903**)) 4.
Omnes Socii strenuam operam dabunt, ut episcopo
propriae dioecesis auxilium praebeant, ac, quantum
licebit, religionis iura omnimode tueantur, illius
bonum sedulo promoveant, praesertim si agatur de
pauperioribus adolescentulis instituendis.
5. Quod vero ad sacros ordines spectant, socii
ab Episcopo Dioecesis eos accipient, a quo sunt
ordinandi iuxta 1 decretum Clementis Papae VIII
die 15 Martii 1596.
VII
INTERNUM SOCIETATIS REGIMEN
1. Quod ad internum attinet, tota Societas
Capitulo Superiori subiicitur, quod ex Rectore,
Praefecto, Oeconomo, spirituali Directore seu
Catechista, et tribus consiliariis constat.
1 Consuetudinem aliarum congregationum domorum
communionem habentium: videlicet ex privilegiis
congregationum quae tamquam ordines regulares
habentur.
(**Es10.838**))
<Anterior: 10. 837><Siguiente: 10. 839>
